նախընտրելի դարձնելՀՀ Մարդու իրավունքների պաշտպանի պաշտոնում առաքելությունն ավարտող Արման Թաթոյանը կշարունակի գործունեությունը Ադրբեջանի հանցավոր գործողությունների բացահայտման ոլորտում: Այս մասին նա հայտնել Է փետրվարի 23-ին կայացած մամուլի ասուլիսի ժամանակ։
Նա հիշեցրել է, որ կարիերան սկսել է մարդու իրավունքների պաշտպանի աշխատակազմում, աշխատել է առաջին եւ երկրորդ օմբուդսմենների հետ, այնուհետեւ՝ միջազգային կառույցներում։
«Այժմ պետական համակարգում ինձ չեմ տեսնում։ Տեսնում եմ այլ գործունեության՝ հանրային գործունեության մեջ։ Ես վատ նորություն ունեմ Ադրբեջանի իշխանությունների համար։ Թող ադրբեջանցի պատգամավորները, եթե դեռ չեն գնացել, փոխանցեն, որ Արման Թաթոյանը չի դադարեցնում հասարակական գործունեությունը, հատկապես Ադրբեջանի կողմից խախտումների բացահայտման առումով, եւ կշարունակի բացահայտել իր կատարած ռազմական հանցագործությունները», - հաղորդել Է Թաթոյանը։
Քաղաքական ուժերի առաջարկների մասին հարցին ի պտասխան՝ Արման Թաթոյանը հայտնել է, որ այժմ քաղաքական ուժերից առաջարկ չի ստացել, իսկ եթե ստանա, ապա չի պատրաստվում միանալ։
«Խորհրդարանական ընտրությունների ժամանակ փորձեր եղել են, բայց ստացել են վճռական «ոչ»։ Ամենայն հարգանքով, բայց կա այն, ինչ կա», - նշել է Թաթոյանը։
Պատասխանելով իր թեկնածությունը երկրորդ ժամկետով առաջադրելու հնարավորության մասին հարցին՝ Թաթոյանը նշել է, որ նման ակնարկներ եղել են, եւ եթե նա նվազեցներ հրապարակային քայլերը, ապա կարող էր երկրորդ ժամկետ ակնկալել։
«Բայց իմ նպատակը ոչ թե պաշտոն ստանալն էր, այլ երդմանը բարեխիղճ ծառայության մեջ։ Թող մտածեն այն պաշտոնյաները, որոնք անլուրջ վերաբերմունք են ցուցաբերել մարդու իրավունքների պաշտպանի աշխատակազմի կառուցվածքի նկատմամբ։ Երբեք չեմ մտածել հարմարավետության գոտու մասին։ Ու հիմա շարունակելու եմ աշխատանքը, որը կապված է սահմանամերձ գոտիների բնակիչների իրավունքների պաշտպանության եւ Ադրբեջանի հանցագործությունների բացահայտման հետ», - ընդգծել է նա։
