ՆախընտրելիԼոռիի մարզի Մոտկորի ձորի ճանապարհի վերանորոգման նպատակով պետբյուջեից հատկացվել է 180,5 մլն դրամ:
Հայաստանի փոխվարչապետ, տարածքային կառավարման նախարար Արմեն Գեւորգյանը հուլիսի 22-ին Թումանյանի քաղաքապետարանում անցկացրած խորհրդակցության ժամանակ պատկան մարմինների հետ քննարկել է Մոտկորի ձորի ճանապարհի վերանորոգման աշխատանքների ընթացքը։ Քննարկմանը մասնակցել են «Հայաստանի ավտոմոբիլային ճանապարհների տնօրինություն» ՊՈԱԿ-ի տնօրեն Հենրիկ Քոչինյանը եւ շինարարական կապալառու կազմակերպության ղեկավարը: NEWS.am-ին այս մասին հայտնում են ՏԿՆ մամուլի ծառայությունից։
Ճանապարհը Լոռիի մարզի 6 համայնքները կապում է հիմնական մայրուղուն:
Փոխվարչապետին ներկայացվել է իրականացվող շինարարության ծավալը, զեկուցվել, որ աշխատանքներն ընթանում են ամբողջ ծավալով:
Քարկոփ համայնքում Արմեն Գեւորգյանը ծանոթացել է խմելու ջրագծի կառուցման 29 մլն 980 հազար դրամ արժողությամբ աշխատանքների ընթացքին:
Այնուհետեւ փոխվարչապետը Օձուն, Ճոճկան համայնքներում ծանոթացել է «Հազարամյակի մարտահրավեր-հիմնադրամ Հայաստան» ծրագրով վերանորոգվող ոռոգման ներտնտեսային ցանցերի շինարարական աշխատանքների ընթացքին:
Աշխատանքային այցի ավարտին փոխվարչապետը եղել է նաեւ ՀՄՀ-ով վերականգնվող Նոյեմբերյանի պոմպակայանում, ծանոթացել կատարված աշխատանքների ծավալին:
