նախընտրելի դարձնել
ԱՄԷ-ի եւ Միացյալ Նահանգների հարաբերությունները «սթրես-թեստ» են անցնում, ասել է Վաշինգտոնում ԱՄԷ դեսպան Յուսեֆ Ալ Օթայբան՝ հավելելով, որ վստահ է, որ մերձավոր գործընկերները «դուրս կգան այս» վիճակից, փոխանցում է Reuters-ը։
ԱՄԷ-ն փորձում է չեզոքություն պահպանել իր արեւմտյան դաշնակիցների եւ Ռուսաստանի հետ, քանի որ Վաշինգտոնը պնդում է գլոբալ դիրքորոշում ունենալ Ուկրաինա Ռուսաստանի ներխուժման դեմ: Աբու Դաբին նաեւ պնդում էր, որպեսզի Վաշինգտոնը վերականգնի Եմենի հուսիների ահաբեկչական խմբավորման կարգավիճակը Պարսից ծոցի արաբական պետության վրա հարձակումներ իրականացնելուց հետո:
«Դա նման է ցանկացած հարաբերությունների: Դրանք լավ օրեր են ունենում եւ օրեր, երբ հարաբերությունները հարցականի տակ են։ Այսօր մենք սթրես-թեստ ենք անցնում, բայց ես վստահ եմ, որ դուրս կգանք դրանից»,- ասել է Օտայբան։
Միացյալ Նահանգները Պարսից ծոցի երկրների անվտանգության առանցքային դաշնակիցն է, սակայն Էմիրատների պաշտոնյաներն անորոշություն են հայտնել տարածաշրջանում ԱՄՆ-ի հավատարմության կապակցությամբ եւ կապեր են կառուցում այնպիսի երկրների հետ, ինչպիսիք են Չինաստանը եւ Ռուսաստանը, եւ քայլեր են ձեռնարկում ԱՄԷ-ի պաշտպանական կարողությունների ուժեղացման ուղղությամբ՝ որպես Իրանին զսպող միջոց:
ԱՄԷ-ն, ԱՄՆ-ի արտադրության F-35 կործանիչներ ձեռք բերելու գործարքի դանդաղ տեմպերից եւ վաճառքի հետ կապված պայմաններից հիասթափված, դեկտեմբերին հայտարարեց, որ կդադարեցնի այդ հարցի քննարկումները:
Հիմնական խոչընդոտը մտահոգություններն էին Չինաստանի հետ Աբու Դաբիի հարաբերությունների վերաբերյալ, այդ թվում՝ չինական Huawei ընկերության 5G տեխնոլոգիայի օգտագործումը, անտեսանելի ինքնաթիռների տեղակայման եղանակները եւ այն, թե F-3-ի տեխնոլոգիաների որ մասը Էմիրատները կարող են օգտագործել:
