Իտալիայի վարչապետ Մարիո Դրագին հայտարարել է, որ երկիրը սառեցրել է ռուս օլիգարխների ավելի քան 800 միլիոն եվրոյի չափով ակտիվները, որոնք հայտնվել են ԵՄ պատժամիջոցների տակ, հաղորդում է ՌԻԱ Նովոստին։ 

«Պատժամիջոցները, որոնք մենք համաձայնեցրել ենք մեր գործընկերների հետ, նպատակ ունեն Ռուսաստանի կառավարությանը ստիպել դադարեցնել ռազմական գործողությունները եւ լրջորեն նստել բանակցությունների սեղանի շուրջ»,- բացատրել է Դրագին:

Նա նշել է, որ  Իտալիան կարողացել է ցույց տալ թե՛ Հյուսիսատլանտյան դաշինքի, թե՛ Եվրամիության միասնությունը։

«Այդ պատժամիջոցները ծանր հարված են հասցրել Ռուսաստանի տնտեսությանը, ֆինանսական շուկաներին եւ նախագահ Պուտինին մոտ գտնվող մարդկանց»,- ասել է Դրագին։