նախընտրելի դարձնել
Իշխանությունների եւ ընդդիմության միջեւ բախման հիմնական պատճառը հակասություններն են Հայաստանի ապագայի վերաբերյալ կողմերի տեսակետներում։ Այս մասին Ազգային ժողովում մարտի 24-ի ավանդական ճեպազրույցների ժամանակ հայտարարեց «Հայաստան» ընդդիմադիր խմբակցությունից ԱԺ փոխխոսնակ Իշխան Սաղաթելյանը։
Պատգամավորը, մասնավորապես, հիշեցրեց ընդդիմության նախաձեռնությունները, որոնք բազմիցս մերժվել են խորհրդարանական մեծամասնության կողմից։ Դրանց թվում է նաեւ ԱԺ-ում Ղարաբաղի հարցով մշտական հանձնաժողով ստեղծելու ընդդիմության առաջարկը։
«Նրանք հրաժարվեցին՝ պատճառաբանելով, որ ավելի բարձր կարգավիճակով միջխորհրդարանական հանձնաժողով կա եւ որ Ղարաբաղի հարցերով մշտական խորհրդարանական հանձնաժողով ստեղծելու կարիք չկա։ Արդյունքում՝ այդ միջխորհրդարանական հանձնաժողովը 8 ամսվա ընթացքում ոչ մի նիստ չի անցկացրել»,- դժգոհեց Սաղաթելյանը։
