նախընտրելի դարձնել
Եվրոպայի համար դժվար կլինի ռուսական նավթից եւ գազից հրաժարվելը, բայց եթե ցանկանա, կանի դա, հարց է՝ ինչ հեռանկարով, Ռուսաստանն արդեն նայում է ասիական շուկաներին եւ մտածում մատակարարումների դիվերսիֆիկացման մասին։ Այս մասին «ՌԻԱ Նովոստիին» ասել է ՌԴ անվտանգության խորհրդի նախագահի տեղակալ Դմիտրի Մեդվեդեւը։
«Մենք, իհարկե, այս պայմաններում նայում ենք ասիական շուկաներին եւ մտածում, թե ինչպես դիվերսիֆիկացնել մատակարարումները, եթե մեր եվրոպացի բարեկամները շատ են շտապում Ռուսաստանի Դաշնության մատակարարումներից, նավթից եւ գազից հրաժարվելու հարցում»,- ասել է նա։
Մեդվեդեւի խոսքով՝ Եվրոպայի համար շատ դժվար կլինի դա անել, քանի որ գազի 40 տոկոսը եւ նավթի մեկ երրորդը ստանում է Ռուսաստանից։ «Եթե ուզում են ազատվել, կազատվեն։ Հարցն այն է, թե ինչ հեռանկարով։ Մենք նույնպես կմտածենք՝ ինչ անել»,- հավելել է նա։
