նախընտրելի դարձնելՌուսաստանն առանցքային դաշնակցի դիրքերից կշարունակի օգնել Հայաստանին իր պաշտպանունակության ամրապնդման հարցում։ Այս մասին Հայաստանի արտգործնախարար Արարատ Միրզոյանի հետ բանակցությունների սկզբում հայտարարել է ՌԴ արտգործնախարար Սերգեյ Լավրովը։
Նա նշել է, որ ուրախ է Միրզոյանին ընդունել Մոսկվայում այն պահին, երբ երկրում մեծ թափով ընթանում են Ռուսաստանի Դաշնության եւ Հայաստանի Հանրապետության միջեւ դիվանագիտական հարաբերությունների հաստատման 30-ամյակին նվիրված միջոցառումները։
«Մեր հանդիպումը եւս մեկ լավ հնարավորություն է՝ դիտարկելու մեր համագործակցության ուղղությունների ողջ շրջանակը։ Եվ, իհարկե, մենք շահագրգռված ենք հայ-ռուսական հարաբերությունների հետագա զարգացմամբ։ Մենք ողջունում ենք ձեր ներդրումը մեր համագործակցության հասնելու գործում եւ՛ որպես խորհրդարանի ղեկավար, եւ՛ արտաքին գործերի նախարարության ղեկավար»,- ասել է նախարարը։ Նա հայտարարել է Ռուսաստանի Դաշնության եւ Հայաստանի արտաքին գործերի նախարարությունների միջեւ հագեցած երկխոսության մասին։ Նրա խոսքով՝ այն իրականացվում է համակարգված հիմունքներով։ Լավրովն ասել է, որ այսօր կստորագրվի առաջիկա երկու տարիների խորհրդատվությունների ծրագիրը։
Նա նաեւ նշել է համավարակի հետ կապված իրավիճակի բարելավումը եւ այդ համատեքստում երկու երկրների գերատեսչությունների աշխատակիցների միջեւ դեմ առ դեմ հանդիպումների ավելացման անհրաժեշտությունը։ «Ավելին, աշխարհաքաղաքական իրավիճակը պահանջում է ավելի հաճախ հանդիպել։ Մենք պատրաստվում ենք հաջորդ խոշոր իրադարձությանը` մեր առաջնորդների հաջորդ գագաթաժողովին, եւ այսօր կքննարկենք, թե ինչպես դրան հաղորդել նոր որակ։ Առանցքային դաշնակցի դիրքերից մենք կշարունակենք օգնել Հայաստանին՝ ամրապնդելու իր պաշտպանունակությունը եւ ապահովելու սահմանի պաշտպանությունը։ Եվ, իհարկե, որպես հիմնական առեւտրատնտեսական գործընկեր մենք կշարունակենք փնտրել նոր նախագծեր, որոնք կապահովեն մեր առեւտրի կայունությունը, կստեղծեն նոր արտադրական հզորություններ եւ աշխատատեղեր»,- ասել է ՌԴ արտգործնախարարը։
Միաժամանակ նա հայտնել է, որ նախապատրաստվում է առաջարկությունների փաթեթ՝ ուղղված Հայաստանի տնտեսությունում ռուսական ներդրումների էական համալրմանը։
Նա նաեւ նշել է, սերտ համագործակցությունը մշակութային, հումանիտար, կրթական ոլորտներում եւ նշել միասնական կրթական, գիտական եւ լեզվական տարածքի ամրապնդման հետաքրքրությունը։ Նա հավելել է, որ Ռուսաստանի Դաշնությունը եւս կնպաստի հայոց լեզվի զարգացմանը։
