նախընտրելի դարձնելԵրեւանի «Մետրոնոմ» առուտրի կենտրոնից փրկարարներն ու ոստիկանության աշխատակիցները տարհանել են մոտ 500 քաղաքացու:
Ավելի վաղ NEWS.am-ը հայտնել էր, որ այսօր՝ ապրիլի 8-ին, ժամը 14։13-ին Ճգնաժամային կառավարման ազգային կենտրոն տեղեկություն է ստացվել, որ Երևանի Իսահակյան փողոցի մոտակայքում՝ «Մետրոնոմ» առևտրի կենտրոնում, պայթուցիկ սարք է տեղադրված։
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական, Բժշկական ապահովման վարչության, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական և Հրդեհաշիջման և փրկարարական աշխատանքների կազմակերպման բաժնի հերթապահ խմբերը: Իրականացվում են տեղազննման աշխատանքներ:
Նշենք, որ պայթուցիկը սարքի վերաբերյալ ահազանգ է ստացվել նաեւ «Ռոսիա մոլ»-ից: Այնտեղից տարհանվել է շուրջ 1000 քաղաքացի:
