նախընտրելի դարձնելԱնհնազանդության երթի մասնակիցներն այսօր երթով հասան Մանկավարժական համալսարան, մտան ներս եւ սկսեցին վանկարկել. «Ուսանող, միացոր», «Դասադուլ», «Առանց Նիկոլ Հայաստան:
Երբ նրանք մտան համալսարան, նրան հետեւից անմիջապես մտան ոստիկանները եւ անցան ակտիվ գործողությունների: Նրանք ուժի կիրառմամբ գետնին տապալեցին երիտասարդներից մեկին եւ ուզում էին բերման ենթարկել: Ցուցարարներից մեկը, ով ճանաչում էր այդ երիտասարդին, բղավում էր, որ նա պատերազմի մասնակից է եւ գլխից վիրավորում է ստացել: Ոստիկանները ձեռնաշղթա էին փնտրում, որ հագցնեն երիտասարդի ձեռքերին:
Ցուցարարները նաեւ նկատել էին, որ ոստիկանական համազգեստ կրողներից ոմանք տարբերանշաններ չունեն:
Երիտասարդներից մեկը հարցնում էր ոստիկաններին. «Ո՞րն է ձեր օրինական պահանջը, հիմա ասեք, կամ չեմ գալիս»: Մի երիտասարդ էլ դիմելով ոստիկաններին ասաց. «Գլխից վիրավոր է, իրեն բաց թողեք, ինձ տարեք»:
Ոստիկանները բոլորին դուրս բերեցին շենքից եւ շղթա կազմեցին՝ թույլ չտավոլ որեւ մեկի մտնել համալսարանի շենք:
Նշենք, որ Երևանում վաղ առավոտից սկսվել են խաղաղ անհնազանդության ակցիաները: Փակվել են մի շարք փողոցներ: Մասնավորապես, քաղաքացիները աղբամաններով փակել են Սայաթ-Նովա մայրուղին:, Փակ են Պուշկին-Մաշտոց խաչմերուկը, Հաղթանակի կամուրջի մոտ Արգիշտի փողոցը:
Ավելի վաղ NEWS.am-ը հայտնել էր, որ նախօրեին ընդդիմադիր ուժերը վրաններ էին տեղադրել և գիշերը մնացել Ֆրանսիայի հրապարակում։ ԱԺ փոխխոսնակ, ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը երեկ հայտարարել է, որ այսօրվանից անհնազանդության խաղաղ գործողություններ են սկսվելու ամբողջ հանրապետությունով մեկ․ փակվելու են հատկապես մայրաքաղաքի կենտրոնական փողոցները։ Նա կոչ արեց որևէ գործ չպլանավորել՝ գործադուլ և դասադուլ իրականացնել։
Նշենք, որ այսօր առավոտից Երեւանում անձրեւ է տեղում եւ այդ բոլոր ակցիաները տեղի են ունեցել անձրեւի տակ:
