նախընտրելի դարձնելՀայաստանի անկախության հռչակման 20-րդ տարեդարձին ընդառաջ` Երեւանի քաղաքապետարանը հայտարարում է անվանակարգային մրցույթ եւ կոչ է անում բոլոր իրավաբանական եւ ֆիզիկական անձանց ակտիվորեն մասնակցել քաղաքի բարեկարգման աշխատանքներին:
Քաղաքապետարանի մամուլի ծառայությունից NEWS.am-ին հայտնում են, որ նախաձեռնությունը նպատակ ունի գնահատել եւ խրախուսել տարբեր ոլորտներում գործունեություն ծավալող կազմակերպություններին, կառույցներին ու հաստատություններին, որոնք բարեկարգել ու օրինակելի ձեւով կանաչապատել են իրենց հարակից տարածքները: Անվանակարգային մրցույթի շրջանակում կներառվեն նաեւ անտարբեր սուբյեկտների անբարեկարգ տարածքները:
Մրցույթը կանցկացվի երկու փուլով.
ա) տարածքային փուլ - վարչական շրջաններ,
բ) քաղաքային փուլ - քաղաքապետարան:
Սահմանված անվանակարգերն են.
- Լավագույն
- Վատ
Անվանակարգերում կարող են ներկայացվել.
- Բակային տարածքները
- Վարձակալած այգիները
- Դպրոցները
- Մանկապարտեզները
- Ուսումնական հաստատությունները
- Գրասենյակները
- Սրճարանները
- Ռեստորանները
- Խանութները
- Գազալցակայանները
- Բենզալցակայանները
- Շուկաները
Մրցույթի արդյունքները կամփոփվեն սեպտեմբերի 15-ին: Մրցույթի առաջին փուլի արդյունքները կամփոփվեն վարչական շրջաններում եւ կներկայացվեն Երեւանի քաղաքապետարան: Մրցութային հանձնաժողովի ամփոփումից հետո արդյունքները եւ մրցանակները կներկայացվեն հանրությանը:
