նախընտրելի դարձնելԲողոքի ակցիաների հետ կապված մտահոգություն կա, մենք տեսել ենք հաղորդումները, տեսել ենք ուժի կիրառման տեսանյութերը։ Այս մասին մայիսի 20-ին «Հայկական ժողովրդավարություն» ֆորումի ժամանակ հայտարարեց Հայաստանում ԱՄՆ արտակարգ եւ լիազոր դեսպան Լին Թրեյսին։
Նրա համոզմամբ՝ պետք է հետաքննություն անցկացվի, այս հարցերում պետք է հաշվետվողականություն նիլի։ Նա վստահություն հայտնեց, որ այդպիսի մոտեցում Հայաստանի կառավարության կողմից կա։ «Խնդիր է դրված հարգել խաղաղ հավաքների, ակցիաների՝ լրագրողների կողմից անարգել լուսաբանման իրավունքները»,- հավելել է Թրեյսին։
Դեսպանն ընդգծել է, որ ցուցարարները եւս պարտավոր են խաղաղ ակցիաներ անցկացնել, որոնք քաոսային կամ անկայուն իրավիճակ չեն առաջացնում եւ չեն խախտում այլոց իրավունքները։
Նա խոստովանեց, որ ԱՄՆ-ն ամերիկացի ոստիկանների վարքագծի հետ կապված իր մարտահրավերներն ունի։ «Այս հարցում մենք անընդհատ խնդիրների ենք բախվում եւ բարեփոխումների ենք ձգտում։ Դա բնորոշ է ոչ միայն Հայաստանին»,- եզրափակեց դիվանագետը։
