նախընտրելի դարձնելԻսրայելի վարչապետ Բենիամին Նեթանյահուն հայտարարել է երկրում սոցիալ-տնտեսական իրավիճակի ուսումնասիրման նպատակով փորձագիտական հանձնաժողովի ստեղծման մասին, հաղորդում է Reuters-ը:
Ամենայն հավանականությամբ հանձնաժողովը կղեկավարի երկրի ֆինանսների նախարար Յուվալ Ստեյնիցը: Հիշեցնենք, որ նախօրեին Թել Ավիվում եւ երկրի մյուս քաղաքներում սոցիալական բողոքի ակցիայի էր դուրս եկել 250 հազար մարդ. ավելին, քան երբեւէ Իսրայելի պատմության մեջ:
Ինչպես նշում է իսրայելական Haaretz պարբերականը, հանրահավաքներից անմիջապես հետո Թել Ավիվի քաղաքային իշխանությունները հայտարարել են մատչելի բնակարանաշինության մասին, թեեւ համապատասխան որոշումը կայացվել էր դեռ 5 ամիս առաջ:
Իրայելում գործազրկությունը համեմատաբար ցածր է` ընդամենը 5,7%, սակայն երկրի տնտեսության վրա մեծ ազդեցություն ունեն բիզնես-կարտելները եւ խորացող սոցիալական բեւեռացումը: Կոալիցիոն կառավարությունը հայտարարել է մատչելի բնակարանաշինության ծավալների ընդլայնման, ներմուծման միջոցով կաթնամթերքի գների նավազեցման եւ բժշկական ոլորտում նոր աշխատատեղերի բացման մասին:
