նախընտրելի դարձնել
Իսրայելն ԱՄՆ-ի եւ Պարսից ծոցի երկրների հետ համակարգում է Սաուդյան Արաբիայի հետ հարաբերությունների կարգավորման գործընթացը։ Այս մասին հայտարարել է Իսրայելի արտգործնախարար Յաիր Լապիդը։
«Մենք կարծում ենք, որ Սաուդյան Արաբիայի հետ հարաբերությունների կարգավորման գործընթացը հնարավոր է։ Դա մեր շահերից է բխում»,- ասել է Լապիդը Army Radio-ին տված հարցազրույցում, փոխանցում է Times of Israel-ը։
Իսրայելն ու Սաուդյան Արաբիան պաշտոնական դիվանագիտական հարաբերություններ չունեն, սակայն գաղտնի հարաբերությունները վերջին տարիներին ջերմացել են։ Հաղորդվում է, որ Սաուդյան Արաբիայի հզոր թագաժառանգ Մուհամեդ դ բին Սալմանը Իսրայելին համարում է ռազմավարական գործընկեր տարածաշրջանում Իրանի ազդեցության դեմ պայքարում:
Լապիդը նախազգուշացրել է, որ Սաուդյան Արաբիայի հետ հարաբերությունների կարգավորման գործընթացը երկար է լինելու, եւ առաջընթացը փոքր քայլերով կլինի՝ ընդգծելով, որ երկու երկրների անվտանգության շահերը վտանգված են։
