նախընտրելի դարձնելՌուսաստանը պատրաստ է քարտեզագրական նյութ տրամադրել Հայաստանին եւ Ադրբեջանին՝ սահմանազատման գործընթացում օգտագործելու համար։ Այս մասին Երեւանում տեղի ունեցած մամուլի ասուլիսում ասել է ՌԴ արտաքին գործերի նախարար Սերգեյ Լավրովը։
Նրա խոսքով՝ բարձր մակարդակով ընդունված երեք հայտարարությունները պետք է դիտարկել որպես ճանապարհային քարտեզ, որով պետք է առաջնորդվել հարաբերությունների կարգավորման գործընթացում։ «Մենք ուրախ ենք, որ արդեն տեղի է ունեցել առաջին հանդիպումը սահմանազատման եւ սահմանների անվտանգության վերաբերյալ, հաջորդ հանդիպումը, ինչպես արդեն ասվել է, նախատեսված է Մոսկվայում, մենք պատրաստ ենք խորհրդակցական օժանդակություն ցուցաբերել, այդ թվում՝ տրամադրել քարտեզագրական նյութ»,- ասել է Լավրովը՝ ընդգծելով, որ այլ ճանապարհ, հարաբերությունների լիակատար կարգավորումից բացի, գոյություն չունի։
Նախարարը նշել է, որ Ադրբեջանը եւ Հայաստանը յուրաքանչյուրը ներակայացրել է իր տեսլականը, եւ հաշվի առնելով դա՝ անհրաժեշտ է առաջ շարժվել. «Ռուսաստանը պատրաստ է հանդես գալ որպես միջնորդ եւ օժանդակող կողմ»։
