նախընտրելի դարձնելՇիրակի մարզում քաղաքական բոլոր մյուս կուսակցությունների հետ աննախադեպ ակտիվություն վերջին շրջանում ցուցաբերում են նաեւ դաշնակցականները: ՀՅԴ Գյումրու կոմիտեի ներկայացուցիչներն արդեն սկսել են բարձրաձայնել իրենց առաջիկա անելիքները: Հանրահավաքներ, ակցիաներ, ինչպես մայրաքաղաքում , այդպես էլ Գյումրիում:
ՀՅԴ Գյումրու կոմիտեի ներկայացուցիչ Արամ Հակոբյանի մեկնաբանությամբ` «Շուտով գյումրեցիները քաղաքի կենտրոնական փողոցներում վրաններ կնկատեն: Այնտեղ մոտեցող քաղաքացուն էլ նոր ձեւավորված ընտրական իրավունքի պաշտպանության հասարակական շարժման ներկայացուցիչները կբացատրեն , որ քվեն մեծ ուժ ունի եւ միայն ընտրություններին ակտիվ մասնակցելով երկրում տեղի կունենա իշխանափոխություն»:
Արամ Հակոբյանի խոսքերով` նրանք բաժանելու են պայմանագրային կոնկրետ բլանկ, որտեղ նշված է, թե ինչ է նշանակում ընտրություն, ինչ նշանակություն ունի քաղաքացու քվեն, եւ քաղաքացուն խնդրելու են կնքնել պայմանագիր դաշնակցության հետ եւ անպայման գնալ, մասնակցել ընտրություներին: «Մեր ժողովուրդը վերջապես պետք է հասկանա, որ իր ձայնը մեծ արժեք է այս երկրում»,- NEWS.am-ի թղթակցին ասել է ՀՅԴ Գյումրու կոմիտեի ներկայացուցիչ Արամ Հակոբյանը:
Հիշեցնենք, որ հատկապես Շիրակի մարզում, այս կուսակցության վիճակն այնքան էլ նախանձելի չէր: Լուծարված է ՀՅԴ Շիրակի մարզային կառույցը եւ քաղաքական այս ուժը կենդանության նշաններ միայն նոր-նոր է սկսում ցուցաբերել:
