նախընտրելի դարձնել
Իրանն ու Ռուսաստանը դոլարը բացառել են երկրների միջեւ առեւտրային գործարքներից։ Այս մասին հայտարարել է Իրանի ֆինանսների եւ էկոնոմիկայի նախարար Էհսան Խանդուզին, փոխանցում է Mehr-ը։
Նշելով, որ բարիդրացիության քաղաքականությունն Իրանի արտաքին քաղաքականության առաջնահերթությունն է, Խանդուզին ասել է, որ Պուտինի այցը Թեհրան համահունչ է նախագահ Ռաիսիի Մոսկվա կատարած այցի ընթացքում ձեռք բերված պայմանավորվածությունների իրականացմանը։
Ինչ վերաբերում է Ռուսաստանի հետ բանկային, ֆինանսական եւ տնտեսական համագործակցությանը, առաջին քայլն արված է՝ ռուբլին Իրանի եւ Ռուսաստանի միջեւ առեւտրային գործարքների մեջ է մտել։
Ավելի վաղ Իրանի Կենտրոնական բանկի (ԿԲ) նախագահ Ալի Սալեհաբադին Մոսկվայում Ռուսաստանի փոխվարչապետ Ալեքսանդր Նովակի հետ հանդիպման ժամանակ հայտարարել էր, որ պայմանավորվածություն է ձեռք բերվել Իրանի եւ Ռուսաստանի միջեւ տնտեսական փոխանակումների ժամանակ ազգային արժույթների օգտագործման վերաբերյալ։
