Ինդոնեզիայի նախագահը պաշտոնապես հրավիրել է Չինաստանի նախագահ Սի Ծինփինին Բալիում կայանալիք G20-ի գագաթաժողովին, հաղորդում է AP-ը։

Հրավերը ստացվել է Պեկինում երկու առաջնորդների հանդիպման ժամանակ, որտեղ նրանք քննարկել են մի շարք հարցեր՝ առեւտրից մինչեւ ծովային համագործակցություն: Գագաթաժողովը կանցկացվի Ինդոնեզիայի առողջարանային կղզում նոյեմբերի 15-16-ը։

Սի Ծինփինը չի լքել Չինաստանը 2019 թվականից՝ COVID-19-ի բռնկման պատճառով՝ նախընտրելով մասնակցել խոշոր միջոցառումներին տեսակապի միջոցով։ Նաեւ պարզ չէ, թե արդյոք նա կմասնակցի Ասիախաղաղօվկիանոսյան տնտեսական համագործակցության ֆորումին, որը կայանալու է Բանգկոկում G-20-ի գագաթաժողովից անմիջապես հետո:

Ինդոնեզիան եւ Չինաստանը ընդհանուր առմամբ դրական հարաբերություններ են պահպանում, թեեւ Ջակարտան մտահոգություն է հայտնել Հարավչինական ծովի շուրջ ստեղծված իրավիճակի կապակցությամբ։