նախընտրելի դարձնել
Երեքշաբթի այցով Թայվան ժամանած ԱՄՆ Կոնգրեսի Ներկայացուցիչների պալատի նախագահ Նենսի Փելոսին գրավոր հայտարարություն է տարածել, որում վստահություն է հայտնել, որ իր այցը ոչ մի կերպ չի հակասում կղզու մասով ԱՄՆ ղեկավարության պաշտոնական քաղաքականությանը։
«Մեր այցը Կոնգրեսի պատվիրակությունների՝ Թայվան ուղեւորությունների մի քանի օրինակներից է եւ ոչ մի կերպ չի հակասում ԱՄՆ-ի երկարամյա քաղաքականությանը, որը հիմնված է 1979 թվականի Թայվանի հարաբերությունների մասին օրենքի, ԱՄՆ-Չինաստան համատեղ կոմյունիկեի եւ Վեց հավաստիացումների վրա: ԱՄՆ-ն շարունակում է ընդդիմանալ ստատուս քվոն փոխելու միակողմանի ջանքերին»,- հայտարարել է Փելոսին։
Ըստ ԱՄՆ բարձրաստիճան պաշտոնյայի՝ նրա այցը կղզի վկայում է Թայվանի կենսունակ ժողովրդավարությանը Միացյալ Նահանգների անսասան աջակցության մասին:
