Մեծ Բրիտանիայի արտաքին գործերի նախարար Լիզ Թրասը սեպտեմբերին իշխող Պահպանողական կուսակցության ղեկավար եւ վարչապետ ընտրվելու դեպքում առաջին անգամ Չինաստանը որպես Միացյալ Թագավորության անվտանգության սպառնալիք կհայտարարի՝ Ռուսաստանի նման կարգավիճակ տալով նրան։ Այս մասին հայտնում է The Times-ը՝ վկայակոչելով աղբյուրները երկրի ԱԳՆ-ում։

Նրանց տվյալներով՝ Թրասը խոստացել է վերանայել Մեծ Բրիտանիայի արտաքին քաղաքականությունը եւ անվտանգության, պաշտպանության եւ վերանայել արտաքին քաղաքականությունը։ Այդ ոլորտներում Լոնդոնի նպատակները սահմանող նման վերջին փաստաթուղթը հրապարակվել էր ընդամենը 2021 թ. մարտին։ Դրանում Ռուսաստանը որպես «Մեծ Բրիտանիայի համար ամենասուր ուղիղ սպառնալիք» էր հայտարարել։

Չինաստանը բնութագրվել էր որպես «ժամանակակից աշխարհում ամենակարեւոր աշխարհաքաղաքական գործոն, որը մեծ ազդեցություն ունի բրիտանական արժեքների եւ շահերի վրա»: Ընդ որում, նշվել էր, որ Չինաստանն «ավելի շատ, քան ցանկացած այլ երկիր կնպաստի համաշխարհային աճին, ինչը ձեռնտու կլինի համաշխարհային տնտեսությանը»։

Նշվում է, որ Պեկինի նկատմամբ վերաբերմունքի խստացումը կհակասի Չինաստանի հետ տնտեսական համագործակցության ընդլայնման փորձեր կատարած ֆինանսների նախարարության դիրքորոշմանը։ «Տնտեսական գործընկերություն [Չինաստանի հետ] չի լինի։ Այն, այնուամենայնիվ, պետք է չեղարկվեր Հոնկոնգից հետո»,- աղբյուրի խոսքերն է մեջբերում պարբերականը։

Մեծ Բրիտանիայի կառավարության նոր ղեկավարը կդառնա կամ արտաքին գործերի նախարար Լիզ Թրասը, կամ ֆինանսների նախկին նախարար Ռիշի Սունակը։ Հասարակական կարծիքի հարցումները Թրասին բացահայտ ֆավորիտ են անվանել. նա իր հակառակորդից առաջ է անցել ավելի քան 30 տոկոսային կետով: Քաղաքական գործչի անունը, ով Բորիս Ջոնսոնին կփոխարինի Պահպանողականների առաջնորդի եւ վարչապետի պաշտոնում, հայտնի կդառնա սեպտեմբերի 5-ին, իսկ կառավարության նոր ղեկավարն իր պարտականությունների կատարմանը կանցնի սեպտեմբերի 6-ից։

«Տնտեսական գործընկերություն (Չինաստանի հետ) չի լինի։ Դա, միեւնույն է, պետք է չեղարկվեր Հոնկոնգից հետո»,- պարբերականը մեջբերում է աղբյուրի խոսքերը։