Եվրոպական խորհրդի նախագահ Շառլ Միշելը ողջունել է 5 հայ ռազմագերիների փոխանցումը։ 

«Մենք ողջունում ենք օգոստոսի 31-ին Բրյուսելում տեղի ունեցած քննարկումներից հետո Բաքվում գտնվող եւս հինգ հայ ռազմագերիների փոխանցումը։ Փոխանցումն առաջին անգամ է տեղի ունենում երկկողմանի հիմունքներով, եւ սա եւ՛ Ադրբեջանի, եւ՛ Հայաստանի արժանիքն է։ Հիմնական առաջնահերթությունը բոլոր հումանիտար խնդիրների լուծումն է»,-գրել է նա Twitter-ի իր էջում:

Ավելի վաղ NEWS.am-ը հայտնել է, որ սեպտեմբերի 8-ին Ադրբեջանը Հայաստանին է վերադարձրել հինգ հայ ռազմագերիների։