նախընտրելի դարձնել
Ադրբեջանը, ըստ երեւույթին, խոշոր ռազմական հարձակում է սկսում Հայաստանի դեմ։ Ֆրանսիան եւ Եվրոպան պետք է անհապաղ գործեն՝ հերթական պատերազմը կանխելու համար։ Այս մասին հայտարարել է Եվրախորհրդարանի պատգամավոր Ֆրանկուս-Քսավյե Բելլամին
«Մենք պարտական ենք մեր մայրցամաքի անվտանգության առջեւ, որին ուղղակիորեն սպառնում է այս նոր հակամարտությունը, բայց մենք առաջին հերթին պարտական ենք հայ ժողովրդին, ում հետ մենք ամբողջ հոգով կիսում ենք վշտի եւ տխրության այս ժամերը»,- ասել է նա։
Քաղաքական գործիչը կոչ է արել Եվրոպային դադարեցնել Ադրբեջանին որպես օրինական գործընկերոջ վերաբերվել։
«Եկեք դադարենք այս հանցավոր պետությանը որպես օրինական գործընկերոջ վերաբերվել եւ ֆինանսավորել նրա սպառնալիքները՝ նրանից գազ գնելով։ Եկեք շտապ քայլեր ձեռնարկենք արդյունավետ պատժամիջոցներ նախապատրաստելու համար։ Անհրաժեշտ է պահանջել անհապաղ ՄԱԿ-ի Անվտանգության խորհրդի նիստ գումարել։ Ոչինչ չի կարող արդարացնել Ադրբեջանի հանցավոր ագրեսիան Հայաստանի դեմ։ Եթե մենք հիմա գործենք, կարող ենք դադարեցնել այս պատերազմը»,- ասել է նա:
