նախընտրելի դարձնել
Իշխող «Քաղաքացիական պայմանագիր» խմբակցության պատգամավորները մշտական կապի մեջ են Հայաստանի միջազգային գործընկերների հետ Ադրբեջանի հերթական ագրեսիայի հետ կապված։ Այս մասին սեպտեմբերի 14-ին Ազգային ժողովի նիստին հայտարարեց իշխող «Քաղաքացիական պայմանագիր» խմբակցության պատգամավոր Արման Եղոյանը։
Պատգամավորը հատկապես ակտուալ համարեց ԵՄ-ի եւ Եվրախորհրդարանի գործընկերների արձագանքը։
«Երեկ երեկոյից պատգամավորներից յուրաքանչյուրը կապի մեջ է միջազգային գործընկերների հետ»,- ասաց պատգամավորը։
Եղոյանի խոսքով՝ մասնավոր զրույցներում նրանց դիրքորոշումը շատ ավելի կոշտ ու կոպիտ էր։
Նա կոչ է արել միջազգային մյուս գործընկերներին հետեւել այդ ոգուն եւ թույլ չտալ ագրեսորին հասնել իր նպատակներին։
«Չեմ կասկածում, որ միջազգային արձագանքը չափազանց կարեւոր է այդպիսի ագրեսիայի զսպման համար»,- ասաց պատգամավորը՝ կոչ անելով պահպանել միջազգային ճնշման մակարդակը։
Մինչդեռ Ադրբեջանի ագրեսիան եւ ոտնձգությունը Հայաստանի ինքնիշխան տարածքի նկատմամբ շարունակվում է։
