նախընտրելի դարձնել«Արդշինինվեստբանկ» փակ բաժնետիրական ընկերության «Վարդենիս» մասնաճյուղի նախկին աշխատակիցներ` կառավարիչ Արմեն Բաղդասարյանն ու մասնագետ Հովհաննես Համբարձումյանը նախնական համաձայնության գալով անհատ ձեռնարկատեր Խաչատուր Շաբոյանի ու «Վասարաթ» սահմանափակ պատասխանատվությամբ ընկերության տնօրեն Հովիկ Խաչատրյանի հետ, 2006-2007 թվականների ընթացքում, առանց բանկի մասնաճյուղի վարկառուների գիտության` նրանց նկատմամբ կեղծ փաստաթղթեր են կազմել ու 95 միլիոն 788 հազար դրամ եւ 27 հազար 616 դոլար գումարի կենցաղային տեխնիկայի ձեռք բերման պատրվակով ապառիկ վարկ հատկացնելու վերաբերյալ պայմանագիր կնքելով` նշված գումարը մաս-մաս փոխանցել կենցաղային տեխնիկայի վաճառքով զբաղվող «Խ. Շաբոյան» առեւտրային ձեռնարկության եւ «Վասարաթ» ՍՊԸ-ի հաշվեհամարներին, կանխիկացրել եւ տնօրինել են:
Ոստիկանության լրատվական ծառայությունից NEWS.am-ին հայտնում են, որ նշված հանցավոր արարքը կատարելու համար Արմեն Բաղդասարյանն ու Հովիկ Խաչատրյանը դատապարտվել են, իսկ Վարդենիս քաղաքի բնակիչ, 37-ամյա Հովհաննես Գագիկի Համբարձումյանը, ում հանցավոր արարքները քրեական օրենսգրքի 179 եւ 190 հոդվածների հատկանիշներով են, դատաքննությունից խուսափելու համար դիմել է փախուստի: Նրան հայտնաբերելու համար ոստիկանության Վարդենիսի բաժնի կողմից հայտարարվել է հետախուզում:
Իրավապահները Հովհաննես Համբարձումյանի գտնվելու վայրի մասին տեղեկություն ունեցողներին խնդրում են դիմել ոստիկանության Վարդենիսի կամ մոտակա բաժին:
