նախընտրելի դարձնելՄոտեցող փոթորկի պատճառով Նյու Յորքի ափամերձ թաղամասերից 370 հազար բնակիչ է տարհանվել, հաղորդում է CNN-ը: ԱՄՆ արեւելյան ափի նահանգներում` Հյուսիսային Կարոլինայում, Վիրջինիայում եւ Ֆլորիդայում զոհերի թիվն արդեն հասել է 9-ի: Դադարեցված է քաղաքային տրանսպորտի երթեւեկությունը:
Ինչպես հաղորդում է CNN-ը, վթարներից խուսափելու հմար էլեկտրաէնեգիայի նախազգուշական անջատումներ են իրականացվել Նյու Յորքի 32 հազար բաժանորդների շրջանում: Կախված փոթորկի ուղղությունից` հոսանքազրկումների ծավալը կարող է ավելանալ:
Ընդհանուր առմամբ արեւելյան ափին հոսանքազրկվել է 2 մլն բաժանորդ:Օդերեւութաբանների տեղեկություններով` «Իրեն» փոթորիկը շարժվում է արեւմտյան ուղղությամբ: Փոթորկի պատճառով դադարեցվել է մի շարք նավթավերամշակող գործարանների, ինչպես նաեւ Նյու Ջերսիի ատոմակայանի աշխատանքը, հաղորդում է Reuters-ը: Էլեկտրաէներգիայի մատկարարումը ծրագրվում է վերականգնել կարճ ժամանակահատվածում:
