նախընտրելի դարձնելՆապոլեոնի կայսրության պատմությունը հանվել է Ֆրանսիայի դպրոցական պարտադիր ծրագրից եւ ներառվել ընտրովի թեմաների ցուցակում, տեղեկացնում է ֆրանսիական Figaro պարբերականը:
Վաղ միջնադարի շրջանն ամբողջությամբ հանվել է դպրոցական ծրագրից, եւ հիմա Հռոմեական կայրսությունից հետո աշակերտները միանգամից անցնելու են Կարլ Մեծի ժամանակաշրջանի ուսումնասիրմանը: Որոշումը պայմանավորված է ոչ եվրոպական մշակույթներին ավելի մեծ տեղ հատկացնելու անհրաժեշտությամբ: Ծրագրում ներառվել են ծաղկման շրջանում Չինական կայսրության, IV – V դդ Հնդկաստանի, միջնադարյան Աֆրիկայի մասին նյութեր:Բացի այդ, Վերածննդի մշակույթն ուսումանասիրելիս, աշակերտներին կառաջարկվի «Վերածննդի մեկ գեղանկարչի կենսագրությունը կամ մեկ մշակութային օբյեկտի պատմությունը»:
Այնպես որ, աշակերտներն ստիպված կլինեն ընտրություն կատարել Լեոնարդո դա Վինչիի, Լորենցո Մեդիչիի կամ էլ Սիքստինյան կապելլայի պատմության միջեւ, համատեղ ուսումնասիրել չի կարելի:Նույն տարբերակն է նաեւ բացարձակ միապետության շրջանի պատմության դեպքում` XVI-րդ դարից մինչեւ 1715 թ-ը: Աշակերտները պետք է ընտրեն Ֆրանսուա I-ին, Հներիխ IV-ին, Լյուդովիկոս XIII-ին կամ էլ Լյուդովիկոս XIV-ին:
Վերջապես, Նապոլեոնի կայսրության պատմությունն ուսումնասիրվում է միայն Ֆրանսիական հեղափոխության համատեքստում` ընդամենը հինգ թեմայի շրջանակում, որից միայն երկուսն է վերաբերում կայսրությանը: Ըստ Figaro-ի` աշակերտներն սկսելու են պատմությունն ուսումնասիրել պարզապես որպես դարաշրջանների կանգլոմերատ: «Եթե պատմությունը դա լեզուն է, ապա քրոնոլոգիան` քերականությունն է: Առանց նրա մեր անցյալի գիտակցությունը կլուծվի անախրոնիզմի մեջ»,-գրում է թերթը:
