Միացյալ Նահանգների զինված ուժերը սիրիական նավթի գողացված նոր խմբաքանակ են տեղափոխել Իրաքի հյուսիսային շրջաններ, քանի որ Վաշինգտոնը շարունակում է թալանել արաբական երկրի բնական ռեսուրսները սահմանային անօրինական հատումների միջոցով, հաղորդում է սիրիական SANA գործակալությունը:

«Ամերիկյան օկուպացիոն ուժերը լրացուցիչ նավթ են գողացել 14 տանկերներով՝ ռազմական զրահամեքենաների անվան տակ, դեպի Իրաքի տարածքից Ալ-Վալիդ ապօրինի անցում»,- ասվում է հաղորդագրության մեջ։

Եվս 85 տանկերներ ամերիկյան զորքերը նախօրեին Մահմուդիայի ապօրինի անցումով ուղարկել էին հյուսիսային Իրաք:

ԱՄՆ-ի ուժերը պարբերաբար գողանում են սիրիական նավթը՝ չնայած միջազգային դատապարտմանը:

Սեպտեմբերի սկզբին 88 նավթատար տանկերներ են տեղափոխվել Իրաքի շրջաններ անօրինական սահմանային անցումներով։ Օգոստոսի վերջին Սիրիայի նավթի նախարարությունը հայտարարել է, որ 2022 թվականի առաջին կիսամյակում ԱՄՆ-ը եւ նրա վստահված անձինք թալանել են Սիրիայում օրական արդյունահանվող նավթի ավելի քան 80 տոկոսը:

Նախարարության հաղորդագրության մեջ ասվում է, որ 2022 թվականի առաջին կիսամյակում նավթի արդյունահանումը «կազմել է մոտ 14,5 մլն բարել՝ օրական 80,3 հազար բարել միջին արդյունահանմամբ, որից 14,2 հազարն օրական մատակարարվում է նավթավերամշակման գործարաններին»։ «ԱՄՆ-ի օկուպացիոն ուժերը եւ նրանց վարձկանները օրական մինչեւ 66 000 բարել են գողանում արեւելյան տարածաշրջանում գրավված դաշտերից»,- ասվում է հաղորդագրության մեջ։

Նախարարության տվյալներով՝ սիրիական նավթային հատվածը «պատերազմի սկզբից մինչեւ այս տարվա կեսը մոտ 105 միլիարդ դոլար է կորցրել»՝ նավթ գողանալու ԱՄՆ-ի արշավի հետեւանքով։