Կենտրոնական բանկը 2022 թվականին ակնկալում է 12,9 տոկոս տնտեսական աճ։ Հոկտեմբերի 31-ին՝ Ազգային ժողովում 2023 թվականի պետական ​​բյուջեի նախագծի քննարկման ժամանակ, մշտական ​​խորհրդարանական հանձնաժողովների համատեղ նիստում այս մասին ասաց Կենտրոնական բանկի նախագահ Մարտին Գալստյանը։

Ընդ որում հաջորդ տարի, ինչպես նշեց ԿԲ ղեկավարը, այս ցուցանիշն ակնկալվում է 4,5 տոկոսի մակարդակում։ «Տնտեսական աճի ցուցանիշը հաջորդ տարի կառավարության կանխատեսած 7 տոկոսից ցածր է լինելու: Իրականում մենք ակնկալում ենք 4,5 տոկոս, քանի որ այս տարի այդ ցուցանիշը բավականին բարձր է եղել»,- նշեց Գալստյանը։