նախընտրելի դարձնել
ԱՄՆ-ը եվրոպացի դաշնակիցների հետ քննարկում է Չինաստան արտահանման սահմանափակումը, ինչպես արվեց Ռուսաստանի նկատմամբ։
Ինչպես հաղորդում է Bloomberg-ը, հղում անելով աղբյուրներին, Բայդենի վարչակազմն ուսումնասիրում է տեղեկատվության նույն փոխանակման եւ կիրարկման համակարգումն օգտագործելու հնարավորությունը, որպեսզի խստացնի Չինաստան արտահանման սեփական երկկողմ սահմանափակումները:
Առայժմ ԵՄ-ն հակված չէ դիտարկել Չինաստանի նկատմամբ նույն մոտեցումը կիրառելու հարցը, ինչը արվել է Ռուսաստանի դեմ, քանի որ հանգամանքները տարբեր են, ասել են աղբյուրները՝ հավելելով, որ հնարավորություն կա դիտարկելու այն ապրանքները, որոնք Պեկինը կարող է օգտագործել իր ռազմական կարողությունները ուժեղացնելու համար: Պարզ չէ, թե արդյոք այս թեման կբարձրացվի Պրահայում ԵՄ առեւտրի նախարարների հետ ԱՄՆ առեւտրային ներկայացուցիչ Քեթրին Թայի հանդիպման ժամանակ։
ԵՄ-ի եւ ԱՄՆ-ի բարձրաստիճան պաշտոնյաները դեկտեմբերի 5-ին կհանդիպեն Վաշինգտոնից ոչ հեռու, որպեսզի Առեւտրի եւ տեխնոլոգիաների խորհրդի երրորդ հանդիպմանը համաձայնեցնեն տնտեսական ծրագրերի ցանկը։
