նախընտրելի դարձնել
Եթե Ղարաբաղի հարցը լուծված է, ինչպես պնդում է Ադրբեջանի նախագահ Իլհամ Ալիեւը, ապա ինչո՞ւ դա չեն զգում ղարաբաղցիները, ինչու են Ադրբեջանի զինված ուժերը դիրքեր դրել Ղարաբաղի շուրջ եւ գնդակոծում Ղարաբաղը։ Այս մասին Հայաստանի Հանրային հեռուստաընկերությանը տված հարցազրույցում ասել է ՀՀ վարչապետ Նիկոլ Փաշինյանը։
«Սա շատ կարեւոր հարց է, որի պատասխանը պետք է ստանա ոչ միայն Հայաստանը, այլեւ միջազգային հանրությունը։ Մենք դեմ չենք, որ Ղարաբաղի հարցը լուծվի, մենք ասում ենք, որ հարցի լուծումն առաջին հերթին պետք է զգան Ղարաբաղի բնակիչները։ Ինչու՞ են Ղարաբաղի բնակիչները մշտապես վտանգի տակ՝ երբ ասում են, որ հայերը խնդիրներ չեն ունենա: Եկեք հադրութցիներին հարցնենք՝ խնդիր ունե՞ն, թե՞ ոչ։ Ինչպիսի՞ն է Ադրբեջանում Ղարաբաղի հարցի լուծման տեսլականը.: Այն, ո՞ր Ղարաբաղի ողջ հայությունը արժանանա Հադրութի բնակիչների ճակատագրին։ Այնուհետեւ պետք է արդարացված համարել իմ հայտարարությունը այն մասին, որ այս ամենը ոչ այլ ինչ է, քան Ղարաբաղի հայ բնակչության ցեղասպանության նախապատրաստում:
