նախընտրելի դարձնելՍեպտեմբերի 4-ին ավելի քան 400 հազար մարդ է բողոքի ակցիայի դուրս եկել Իսրայելում: Երկրի պատմության մեջ խոշորագույն ուսանողական ցույցերի մասնակիցները քաղաքական եւ սոցիալական պահանջներ են առաջ քաշում, հաղորդում է Jerusalem Post-ը:
«Միլիոնների երթի» կազմակերպիչները Իսրայելի կառավարությանը մեղադրում են լճացման եւ բնականների գները վերահսկել չկարողանալու մեջ:
Ոստիկանության գնահատականներով` ավելի քան 50 հազար մարդ է հավաքվել Երուսաղեմի արեւմուտքում` վարչապետ Բենիամին Նեթանյահուի նստվայրից ոչ հեռու:
Բողոքի ակցիաներ են կազմակերպվել նաեւ մյուս քաղաքներում: Թել Ավիվում ցույցերի կազմակերպիչների ներկայացուցիչ Դաֆնի Լիեֆն ակցիաներն անվանել է «իսրայելական հույսի ամառ»:
Ավելի վաղ ակցիաների մասնակիցները քաղաքական պահանջներ չէին ներկայացնում, հիմնականում դժգոհում էին բնակարանների, վառելիքի, ապրանքների բարձր գներից: Ըստ մեկնաբանների` սոցիալական դիմակայությունը ոգեշնչվում է ծայրահեղ ձախակողմյան խմբավորումների կողմից, որոնց աջակցում է ընդդիմադիր «Կադիմա» կուսակցությունը:
