ԱՄՆ զինված ուժերի շտաբերի պետերի միացյալ կոմիտեի նախագահ Մարկ Միլին Կիեւին եւ Մոսկվային կոչ է արել ձմռանն ընդառաջ «քաղաքական լուծում» գտնել, քանի որ ռազմական հաղթանակի շանսերը քիչ են, գրում է Fox News-ը:

«Հավանականությունը, որ Ռուսաստանը կհասնի Ուկրաինան նվաճելու իր ռազմավարական նպատակներին, մոտ է զրոյի»,-ասել է նա։

Միեւնույն ժամանակ, Միլին զգուշացրել է, որ Ռուսաստանի՝ իր շարքերում ավելի շատ մարդկանց ներգրավելու ունակությունը, չնայած զգալի կորուստներին, եւ այն փաստը, որ նա դեռ «գրավում է» Ուկրաինայի տարածքի մոտ 20 տոկոսը, նշանակում է, որ պատերազմը շուտով չի ավարտվի: «Այժմ Ուկրաինան մեծ հաջողությունների է հասել»,-շարունակել է նա՝ նկատի ունենալով Խարկովում եւ Խերսոնում վերջին հաջողությունները: