նախընտրելի դարձնելՍեպտեմբերի 13-ից իր աշխատանքներն է սկսում Հայաստանի 4-րդ գումարման ԱԺ 10-րդ նստաշրջանը:
Այս կապակցությամբ, այսօր` սեպտեմբերի 9-ին, տեղի է ունեցել ԱԺ աշխատանքային խորհրդակցությունը, որը նախագահել է ՀՀ ԱԺ նախագահ Հովիկ Աբրահամյանը:
ԱԺ մամուլի ծառայությունից NEWS.am-ին հայտնում են, որ խորհրդակցության ժամանակ քննարկվեցին չորրորդ գումարման ԱԺ տասներորդ նստաշրջանի եւ սեպտեմբերի 13-15-ի ԱԺ նիստերի օրակարգերի որոշման նախագծերը: ԱԺ տասներորդ նստաշրջանի օրակարգի նախագծում ընդգրկվել է 147 հարց: ԱԺ առաջիկա նիստերի օրակարգի նախագծում ընդգրկվել են 92 հարց, միջազգային 21 պայմանագիր:
Չորրորդ գումարման ԱԺ տասներորդ նստաշրջանի եւ սեպտեմբերի 13-15-ի ԱԺ նիստերի օրակարգերի նախագծերը կհաստատվեն սեպտեմբերի 13-ի ԱԺ նիստում:
