նախընտրելի դարձնել
Մեկնաբանելով Ուկրաինայի նախագահի նոր մեղադրանքներն Իրանի Իսլամական Հանրապետության հասցեին՝ Իրանի ԱԳՆ ներկայացուցիչ Նասեր Քանանին երկուշաբթի հայտարարել է, որ ուրիշներին, մասնավորապես՝ Իրանին մեղադրելը չի օգնի Ուկրաինայի ժողովրդին եւ իշխանություններին, տեղեկացրել է ԻՐՆԱ-ն։
«Իրանի ԱԳՆ-ն բազմիցս հայտարարել է իր դիրքորոշումն այս հարցի վերաբերյալ, Իրանի Իսլամական Հանրապետության բարձրաստիճան անձինք եւս հայտարարել են երկրի սկզբունքային դիրքորոշման մասին։ Մենք ընդգծում ենք, որ ուրիշներին մեղադրելը չի օգնի Ուկրաինայի ժողովրդին եւ իշխանություններին»,- ասել է Քանանին։
Նա նշել է, որ Իրանն Ուկրաինայում պատերազմի մաս չի կազմում եւ պատրաստ է նպաստել ճգնաժամի լուծմանն ու խաղաղության հաստատմանը։
«Մենք անպատասխանատու ենք համարում ցանկացած կողմի սպառնալից խոսքը, եւ Ուկրաինայի կառավարությունը պատասխանատվություն է կրում այդ սպառնալից հայտարարությունների քաղաքական եւ իրավական հետեւանքների համար»,- ավելացրել է Քանանին։
