Թուրքիայի արտգործնախարար Մեւլյութ Չավուշօղլուն եւ ԱՄՆ պետքարտուղար Էնթոնի Բլինքենն այցելել են Ղահրամանմարաշի երկրաշարժից տուժած Հաթայ նահանգ, հայտնում է Anadolu լրատվական գործակալությունը։

Չավուշօղլուն հանդիպել է ամերիկացի գործընկերոջը, ով ժամանել է Ադանայում գտնվող Ինջիրլիքի 10-րդ տանկային բազայի հրամանատարություն։

Այնուհետեւ Չավուշօղլուն եւ Բլինքենը ցամաքային զորքերի հրամանատարության ուղղաթիռով մեկնել են Հաթայ։

Արտգործնախարարներին ուղեկցել է Անկարայում ԱՄՆ դեսպան Ջեֆ Ֆլեյքը։

Հիշեցնենք, որ ավելի վաղ Էնթոնի Բլինքենը մասնակցել էր Մյունխենի անվտանգության համաժողովին, որտեղից մեկնել էր Թուրքիա։