Բելառուսի շուրջ ստեղծված իրավիճակը ճգնաժամային է եւ ենթադրում է ռազմական անվտանգությանն ուղղված ուղղակի սպառնալիքների առկայություն։ Այս մասին օտարերկրյա ռազմական կցորդների համար ճեպազրույցի ժամանակ հայտարարել է միջազգային ռազմական համագործակցության հարցերով պաշտպանության նախարարի օգնական, գնդապետ Վալերի Ռեվենկոն։

«Նախեւառաջ, այդ սպառնալիքները կապված են եվրոպական մայրցամաքի արագացված լայնածավալ ռազմականացման եւ մեր սահմանների մոտ օտարերկրյա ռազմական ներկայության կուտակման ավելացման հետ»,- մանրամասնել է նա։

Ռեվենկոյի խոսքով՝ ՆԱՏՕ-ն կարող է ռուսական ուղղությամբ հարվածային խմբավորումներ ստեղծել։

Բելառուսի պաշտպանության նախարարության ներկայացուցիչն ընդգծել է, որ Եվրոպայում մշտական ​​հիմունքներով տեղակայված են ավելի քան 60 հազար ամերիկացի զինվորականներ, որոնք հագեցած են ժամանակակից հարվածային զենքերով, ինչպես նաեւ ՆԱՏՕ-ի մոտ 34 հազար զինծառայող, որից 22 հազարը՝ Լեհաստանում եւ Բալթյան երկրներում։

«Զինված սադրանքների հավանականությունը, որոնք կարող են վերաճել սահմանային միջադեպերի, արդեն երկար ժամանակ շարունակում է մեծ լինել»,- եզրափակեց նա։