Ապրիլի 7-ին եւ 8-ին հեռախոսազրույց է կայացել Ադրբեջանի եւ Իրանի արտաքին գործերի նախարարներ Ջեյհուն Բայրամովի եւ Հոսեյն Ամիր Աբդոլահիանի միջեւ, տեղեկացրել են Արդբեջանի ԱԳՆ-ում։

«Կողմերը փոխադարձ հարգանք են հայտնել երկու երկրների տարածքային ամբողջականությանը եւ ինքնիշխանությանը։

Հեռախոսազրույցի ընթացքում տեղի է ունեցել առկա դժգոհությունների եւ երկու երկրների միջեւ թյուրըմբռնման մանրամասն քննարկում։ Ընդգծվել է բանակցությունները շարունակելու կարեւորությունը՝ տարաձայնությունները վերացնելու համար։

Պայմանավորվածություն է ձեռք բերվել Ադրբեջանի եւ Իրանի միջեւ գոյություն ունեցող նախագծերի իրականացման վերաբերյալ։

Բայրամովը նշել է, որ կարեւոր է հարգել Ադրբեջանի անկախ արտաքին քաղաքականությունը՝ հիմնված նրա ազգային շահերի եւ տարածաշրջանի երկրների հետ երկկողմ հարաբերությունների վրա, ընդգծվել է հաղորդագրությունում։

Նախարարները նշել են փոխադարձ շփումների շարունակման կարեւորությունը»,- նշվել է հաղորդագրությունում։