Սյունիքի մարզի Տեղ գյուղի ուղղությամբ հակառակորդը վերսկսել է կրակոցները։ Այս մասին NEWS.am-ի հետ  զրույցում ասաց Տեղ համայնքի ավագանու անդամ, Արավուս գյուղի նախկին գյուղապետ Արգամ Հովսեփյանը։

Հիշեցնենք, որ ապրիլի 11-ին՝ ժամը 16:00-ի սահմաններում, Ադրբեջանի ԶՈՒ ստորաբաժանումները  կրակ են բացել Տեղ համայնքի հատվածում ինժեներական աշխատանքներ իրականացնող  ՀՀ ԶՈՒ զինծառայողների ուղղությամբ: Նախնական տվյալներով կան զոհեր  եւ վիրավորներ:

«Հայկական ժամանակ»-ի տեղեկություններով՝ ադրբեջանական սադրանքի հետեւանքով հայկական կողմն ունի 3 զոհ։ Վիրավորների թվում է նաեւ Հատուկ բանակային կորպուսի հարմանատար Արմեն Գյոզալյանը, որին այս պահին վիրահատում են։

Ադրբեջանը կրակ է բացել Տեղ գյուղի ուղղությամբ. հայկական կողմն ունի զոհեր և վիրավորներ. ՊՆ

Վիրավորվել է Հատուկ բանակային կորպուսի հրամանատար Արմեն Գյոզալյանը. ՀԺ