ՆախընտրելիՖիլիպինների հարավում գտնվող Տալիպաո բնակավայրում ծովային հետեւակազորի եւ իսլամիստ գրոհայինների բախման արդյունքում 14 մարդ է զոհվել, հաղորդում է «ՌԻԱ Նովոստին»:
Զինվորներն իրականացրել են նոր դպրոցի կառուցման վայրի պարեկությունը, երբ նրանց վրա հարձակվել են մոտ 50 զինված իսլամիստներ: Արդյունքում սպանվել է 12 գորհային, զոհվել երկու զինծառայող, եւս վեցը վիրավորվել է: Բանակային ստորաբաժանմանը, այնուամենայնիվ, հաջողվել է ճնշել գրոհը:
Ստորաբաժանման հրամանատար Ռոմեո Տանալգոյի ենթադրությամբ, իսլամիստները պատկանել են «Աբու Սայյաֆ» խմբավորմանը, որը սերտորեն կապված է «Ալ Քաիդայի» հետ:
