Կառավարող թիմի համար Հայաստանի սահմանն անցնում է կառավարական ամառանոցներով եւ նրանց աշխատասենյակներով։ Նրանք միայն դա են պաշտպանում։ Այս մասին Ազգային ժողովում ավանդական ճեպազրույցի ժամանակ ապրիլի 14-ին ասել է ընդդիմադիր պատգամավոր, Հայաստանի Հանրապետական կուսակցության անդամ Հայկ Մամիջանյանը։

Նրա խոսքով՝ Ազգային ժողովի շենքն ավելի լավ է պահպանվում, քան Հայաստանի սահմանները։

Պատգամավորը հարց է տվել, թե ինչպես կարելի է խոսել երկրի անվտանգության մասին այն պայմաններում, երբ ադրբեջանցի մարդասպանը 2 օր հանգիստ շրջում է հանրապետության տարածքում։

«Ես համոզված եմ, որ եթե ադրբեջանցի դիվերսանտը ուղիղ եթեր դուրս գար եւ ասեր՝ «Նիկո՛լ դավաճան», նրան հաշված վայրկյաններում կգտնեին»,- ասել է Մամիջանյանը։