Հազարավոր մարդիկ կիրակի կրկին հանրահավաքի էին դուրս եկել Չեխիայի մայրաքաղաք Պրահայում՝ բողոքելով բարձր արժեզրկման դեմ և պահանջելով կառավարության հրաժարականը, տեղեկացնում է The Associated Press-ը։

Սա Պրահայի Վացլավի հրապարակում տեղի ունեցած երկրորդ համանման հանրահավաքն էր, որ կազմակերպել էր նոր քաղաքական կուսակցութունը՝ «աղքատության դեմ» կարգախոսով։ 

Բողոքի ցույցին ելույթ ունեցած ցուցարարները և պոպուլիստական խմբի ղեկավար Յինդրիխ Ռայչլը մեղադրեցին Եվրոպական Միությանը և չեխական կառավարությանը արժեզրկման կտրուկ աճի մեջ և բազմիցս կոչեր հնչեցրեցին ներկայիս հինգ կուսակցություններից բաղկացած կոալիցիայի հրաժարականի մասին։ 

Ցուցարարներն ուզում էին, որ չեխական կառավարությունը դադարեցնի գործողություններ ձեռնարկել ապատեղեկատվությունը  և ֆեյքային նորությունները կրճատելու ուղղությամբ։

Մասնակիցները նաև դատապարտեցին Ուկրաինայի հարցով կառավարության դիրքորոշումը։

Երկիրը զենք է տրամադրել ուկրակնական ԶՈՒ-ին և շուրջ 500 000 փախստական է ընդունել։

Ռայչլը պաշտպանության նախարարին՝ ուկրաինամետ դիրքորոշման ակտիվ կողմնակցին, անվանեց իրենց երկրի անվտանգության ամենամեծ սպառնալիքը։

Որոշ մարդիկ հանրահավաքին խնդրագիր էին ստորագրում ՆԱՏՕ-ից երկրի դուրս գալու մասին։