Իրանը մտադիր է ավելացնել անօդաչուների թվաքանակը։ Այս մասին ասել է Իրանի պաշտպանության փոխնախարար Աֆշին Հաջեֆարդը։

Այդ գործընթացը, ըստ նրա, առաջ է գնում ամբողջ թափով։

Նա ավելացրել է, որ Իրանի բոլոր ռազմական անօդաչու թռչող սարքերն արտադրվել են երկրում, ուստի տեղի գիտնականները կարող են անհրաժեշտ փոփոխություններ կատարել դրանց դետալներում, տեղեկացրել են իրանական ԶԼՄ-ները։

Փոխնախարարը հավաստիացրել է, որ Իրանը լուրջ բարձունքների է հասել անօդաչուների ենթահամակարգերի արտադրությունում։