ԱՄՆ-ը խորապես մտահոգված է Ադրբեջանի կողմից Լաչինի միջանցքում անցակետի տեղադրմամբ, որը խաթարում է խաղաղության գործընթացում վստահություն ստեղծելու ջանքերը։ Այս մասին հայտարարություն է տարածել ԱՄՆ Պետդեպը։

«Մենք կրկին հայտարարում ենք, որ Լաչինի միջանցքով պետք է ապահովել մարդկանց ազատ տեղաշարժը։ Կոչ ենք անում կողմերին վերսկսել խաղաղ բանակցությունները և զերծ մնալ սահմանի երկայնքով սադրանքներից և թշնամական գործողություններից»,-ասված է հաղորդագրության մեջ։

 Հիշեցնենք, որ Ադրբեջանն այսօր հայտարարել է Լաչին-Ստեփանակերտ ճանապարհին ստուգիչ անցագրային կետ տեղադրելու մասին։