նախընտրելի դարձնել
Թուրքիայի նախագահի 2 թեկնածուներն իրենց հասցեներին կցված դպրոցներում կատարեցին իրենց քաղաքացիական պարտքը։
Թուրքական Cumhuriyet–ի փոխանցմամբ՝ Թուրքիայի նախագահի իշխանական թեկնածու Ռեջեփ Թայիփ Էրդողանը քվեարկել է Ստամբուլի Ոսքյուդարի շրջանում։ Նա քվեարկությունից հետո նշել է, որ ընտրություններին մասնակցության բարձր մակարդակը վկայում է, որ ժողովուրդը հավատում է երկրի լավ ապագային։
Ընդդիմադիր թեկնածու Քեմալ Քըլըչդարօղլուն քվեարկել է Անկարայում։ Նա քվեատուփից հեռանալուց հետո լրագրողների հետ զրույցում բոլորին կոչ է արել գնալ ընտրության հանուն Թուրքիայի եւ տեր կանգնել իրենց ձայներին՝ Թուրքիան առանց բռնապետության տեսնելու համար։
Նշենք, որ այսօր Թուրքիայում նախագահական ընտրությունների 2-րդ փուլն է։ Իրար հետ մրցում են գործող նախագահ Ռեջեփ Թայիփ Էրդողանը եւ ընդդիմության առաջնորդ Քեմալ Քըլըչդարօղլուն։
Առաջին ընտրություններին Էրդողանը հավաքել էր մոտ 49 տոկոս, Քըլըչդարօղլուն՝ 45։
