նախընտրելի դարձնել
ԱՄՆ պետդեպարտամենտը մեկնաբանել է Երասխում ադրբեջանական կողմի այսօրվա կրակոցները, որոնց հետևանքով կա երկու վիրավոր:
«Խորապես մտահոգված ենք Ադրբեջանի կրակոցներից Հայաստանում ԱՄՆ-ի հետ կապված ընկերության 2 աշխատակցի վիրավորվելու հանգամանքով։ Կրկնում ենք սահմանների երկայնքով զսպվածության մեր կոչը»,- ասել է ԱՄՆ պետդեպի խոսնակ Մեթյու Միլլերը։
Հիշեցնենք՝ ՀՀ ՊՆ հայտարարել էր, որ ադրբեջանական կողմը կրակ է բացել Երասխում օտարերկրյա ներդրումներով կառուցվող մետալուրգիական գործարանի ուղղությամբ, ինչի հետևանքով վիրավորում են ստացել Հնդկաստանի երկու քաղաքացիներ։
