նախընտրելի դարձնել
Ռուսաստանում կատարվող իրադարձությունները այդ երկրի ներքին գործն է, շաբաթ հայտարարել է Իսրայելի վարչապետ Բենյամին Նաթանյահուն, տեղեկացնում է The Jerusalem Post-ը՝ հղում անելով Նաթանյահուի գրասենյակին։
«Թեև դա Ռուսաստանի ներքին գործն է, որում Իսրայելը ներքաշված չէ, բայց Իսրայելը շարունակելու է ուշադիր հետևել իրադարձությունների զարգացմանը»,- ասվում է դիվանագիտական ներկայացուցիչների և անվտանգության ծառայությունների աշխատակիցների հետ Նաթանյահուի քննարկումներից հետո հրապարակված հայտարարության մեջ։
Հիշեցնենք, որ հունիսի 23-ին «Վագներ» ՄՌԿ-ի տելեգրամյան ալիքում հայտարարություն էր եղել այն մասին, որ ՄՌԿ-ն օդային հարձակման է ենթարկվել։ Դրա մեղքը դրվում էր ռուսաստանյան ռազմական ղեկավարության վրա։ «Վագներ» ՄՌԿ ղեկավար Եվգենի Պրիգոժինը խոստացել էր «վերականգնել արդարությունը»։ Ռուսաստանի պաշտպանության նախարարությունը հերքել է հարձակման վերաբերյալ մեղադրանքը, իսկ անվտանգության դաշնային ծառայությունը քրեական գործ է հարուցել «Վագներ» ՄՌԿ ղեկավար Եվգենի Պրիգոժինի նկատմամբ՝ ռազմական խռովության կոչ անելու մեղադրանքով։ Ավելի ուշ Պրիգոժինը հայտարարել է, որ հսկողոթյան տակ է վերցրել Ռոստովի ռազմական օբյեկտները, այդ թվում՝ օդանավակայանը։ Այնուհետև հաղորդումներ եղան, որ Վորոնեժի բոլոր առանցքային օբյեկտները նույնպես վերցվել են «Վագներ» ՄՌԿ-ի հսկողության տակ։ Հունիսի 24-ի ուշ երեկոյան Պրիգոժինը հայտարարեց, որ «Վագներ» ՄՌԿ-ն շրջում է իր շարասյուները և վերադառնում դաշտային ճամբարներ։
