նախընտրելի դարձնելԱյս պահին, հենց այս պահին փակված է Արցախի անկախության հարցը փակված է, փակված է նաեւ Արցախի՝ Հայաստանին միանալու հարցը։ Այս մասին NEWS.am -ի թղթակցի հետ զրույցում ասաց քաղաքական վերլուծաբան Արգիշտի Կիվիրյանը։
Նա կարծում է, որ բանակցությունների սեղանին երեք տարբերակ կա՝ ադրբեջանական, Մոսկվայի և Արցախից հայերի արտաքսում։
Ռուսական տարբերակը, նրա խոսքով, ժամանակ ձգելն է, գուցե նույնիսկ սկսել ինտեգրումը, բայց չավարտել այն։
«Քանի որ ռուսները չեն ցանկանում լքել Արցախը, այդ պատճառով ասում են, որ սա երկար գործընթաց է՝ կոչ անելով նախ լուծել խնդիրները, իսկ վերջում՝ ստորագրել փաստաթուղթը։ Սա տարբերվում է արեւմտյան մոդելից, այն է՝ փաստաթուղթ ստորագրել, հետո՝ խնդիրներ լուծել»,- հավելեց Կիվիրյանը։
Վերլուծաբանն ընդգծեց, որ եթե Արցախը ցանկանում է պահպանել հայկական էությունը, ապա պետք է մանևրի ադրբեջանական և Մոսկվայի մոդելների միջև, ինչպես նաև խաղա Ռուսաստանի և Ադրբեջանի հակասությունների վրա։
Նա վստահ է, որ այդպես պետք էր գործել 2020 թվականի պատերազմի ավարտից անմիջապես հետո՝ դա անվանելով հայկական կողմի համար ինչ-որ բանի հասնելու միակ ճանապարհը։
Կիվիրյանը ցավով նշեց, որ Արցախի իշխանությունները, դիվանագիտական փորձի բացակայության պայմաններում, չեն կարողացել դա իրականացնել, քանի որ չեն տիրապետում իրավիճակին և չեն կարողանում նույնիսկ իրենց անվտանգությունն ապահովել։
Նա հիշեցրեց, որ վերջերս Բաքվի և Մոսկվայի միջև քաղաքական խնդիրներ են ծագել՝ այն բանից հետո, երբ Եկատերինբուրգում՝ ռուսական իշխանությունների մասնակցությամբ, տեղի ունեցան Թալիշ-Մուղանական Ինքնավար Հանրապետության կազմավորման 30-ամյակի կապակցությամբ միջոցառումներ։
«Այսպիսով Ռուսաստանը որոշակի ազդանշան ուղարկեց Բաքվին։ Մոսկվան ցանկանում է ցույց տալ, թե ինչպես կավարտվի ամեն ինչ Բաքվի համար, եթե վերջինս չհասկանա, թե ով է տարածաշրջանի տերը»,- պարզաբանեց վերլուծաբանը։
