ՆախընտրելիՆորվեգիայի Ուտոյա կղզում, որտեղ հուլիսին ահաբեկիչ Անդերս Բրեյվիկը գնդակոծություն էր իրականացրել, ոստիկանությունը 186 կրակած պարկուճ է հայտնաբերել: Այս մասին, հոկտեմբերի 13-ին, հայտարարել է նորվեգական ոստիկանության ներկայացուցիչը, հաղորդում է The Foreigner-ը: Բացի այդ, կղզում հայտնաբերվել են նաեւ չօգտագործված փամփուշտներ, որոնց թիվը չի հաղոդվում: Ոստիկանությունն առայժմ պատրաստ չէ հայտնել Բերյվիկի կողմից կատարված կրակոցների թիվը:
Կղզում կատարվող հետաքննական գործողությունները մոտենում են ավարտին:
Հիշեցնենք, որ Նորվեգիայում կրկնակի ահաբեկչություն էր կատարվել հուլիսի 22-ին: Առաջինը տեղի էր ունեցել Օսլոյի կենտրոնում, կառավարական շենքի մոտ, երկրորդը` մի քանի ժամ անց, մայրաքաղաքից ոչ հեռու գտնվող Ուտոյա կզղում` Նորվեգիայի կառավարող աշխատանքային կուսակցության երիտասարդական ճամբարում: Ողբերգության զոհ էր դարձել 77 մարդ:
Սհաբեկիչը` 32-ամյա Անդերս Բրեյվիկը, դատարանում հայտարարել էր, թե փորձել է փրկել Նրովեգիան: Ահաբեկչությունից առաջ նա գրել եւ համացանցում հրապարակել էր «2083. Անկախության եվրոպական հռչակագիրը»: Դրանում նա հայտարարել էր, որ ունի իր մոտ 8000 կողմնակիցների էլեկտրոնային հասցեները, ովքեր Եվրոպայից, Հյուսիսային Ամերիկայից, Ավստրալիայից, Հարավային Աֆրիկայից, Հայաստանից, Իսրայելից եւ Հնդկաստանից «մշակութային պահպանողականներ» են:
