նախընտրելի դարձնել
Հայաստանում Ֆրանսիայի դեսպան Օլիվիե Դեկոտինին հերքել է համացանցում տարածված ապատեղեկատվությունը, թե իբր Ֆրանսիայի դեսպանությունն իր քաղաքացիներին խնդրում է հեռու մնալ Սյունիքի մարզից։
«Նոր բան չկա. Հայաստանի մեր ուղեցույցը վերջին անգամ թարմացվել է 2023 թվականի հուլիսի 18-ին։ Իսկ Հայաստանի Սյունիքի մարզը ներառված է Հայաստանի մեր քարտեզի մեջ՝ ինչպես որ պետք է լինի»,- գրել է նա X սոցիալական ցանցի իր միկրոբլոգում։
Ֆրանսիայի դեսպանը նմանատիպ ապատեղեկատվությունը վերջին անգամ հերքել էր սեպտեմբերի 7-ին՝ այդ լուրերը կեղծ անվանելով։
