ՆախընտրելիԱրժույթի միջազգային հիմնադրամը քննարկում է եվրագոտու աջակցության շրջանակում Իտալիայի եւ Իսպանիայի համար վարկային գծերի ակտիվացման հնարավորությունը: Այս մասին հաղորդում է ֆրանսիական Les Echos պարբերականը: Եվրոպական երկրների վարկավորման մասնակցության հարցում դիտարկվում է Ասիան եւ մի շարք զարգացող երկրներ:
Իրավիճակը հրատապ է, քանի որ, ՀԱՀ ֆինանսների նախարար Պրավինա Գորդհանի կարծիքով, ոչ ֆինանսական կայունության եվրոպական հիմնադրամը, ոչ ԱՄՀ-ն միջոցներ չունեն եվրագոտում ստեղծված ճգնաժամը հաղթահարելու համար:
ԱՄՀ ավագ վերլուծաբան Ստեֆան Յենի խոսքով` որպես օգնության գործիք կարող է լինել այսպես կոչված «ապահովագրական ճգնաժամային վարկային գիծը», որի շրջանակում պետությունը կստանա ԱՄՀ-ում իր քվոտայից մինչեւ 1000%: Այդ մեխանիզմի շրջանակում Իտալիան կորող է ստանալ մինչեւ 92 մլրդ, Իսպանիան` մինչեւ 46 մլրդ եվրո:
Royal Bank of Scotland-ի առաջատար վերլուծաբան Ժակ Կայուի խոսքով` եթե շուկաները որոշեն, որ Իտալիայի խնդիրը ոչ թե լիկվիդայնության, այլ երկարաժամկետ պարտավորությունները կատարելու մեջ է, այդ ֆինանսական հոսքը համոզիչ չի լինի շուկայի համար:
