նախընտրելի դարձնելՀայաստանն արտաքին քաղաքական կուրս չունի, որ այն փոխի։ Ձեռնարկվում են միայն պատահական, անհիմն քայլեր։ Այս մասին NEWS.am-ի «Ուժի գործոն» հաղորդաշարի եթերում ասաց Հայաստանի խորհրդարանի նախկին նախագահ, քաղաքագետ Տիգրան Թորոսյանը։
Նրա խոսքով՝ Հայաստանի և Ռուսաստանի միջև բանավոր վիճաբանություն վկայում է այն մասին, որ դիվանագիտական աշխատանք չի տարվում։
«Եթե որևէ մեկը կարծում է, որ Ռուսաստանը սպառել է իրեն, ապա նա սխալվում է։ Եթե Հայաստանն իր համար երաշխիքներ չի ստեղծել իր խնդիրների լուծման առումով, ապա անթույլատրելի է իրեն պահել այնպես, ինչպես իրեն պահում է միջազգային հարաբերություններում»,- ընդգծեց նա։
Փորձագետը նշեց, որ Ադրբեջանն ու Թուրքիան նույնպես լուրջ խնդիրներ ունեն Ռուսաստանի հետ, ուստի ոչ ոք չի կարող բացառել, որ ինչ-որ պահի երես չեն թեքի Մոսկվայից՝ հիշեցնելով, որ դա արդեն եղել է Թուրքիայի պարագայում 20-րդ դարում։
Եթե Հայաստանի իշխանությունները շարունակեն անել այն, ինչ անում են՝ խոսելով Բաքվի հետ ամեն գնով խաղաղության մասին, ապա Իրանը չի կարողանա պաշտպանել Հայաստանի սահմանները, կարծում է նա։
«Եթե Հայաստանը չպաշտպանի իր սահմանները, ապա Իրանը դա չի անի»,- ընդգծեց Թորոսյանը։
